KUNG ano ang ginawa ni Juan Manuel Marquez kay Manny Pacquiao, mas hihigitan ito ni Floyd Mayweather Jr.
Ito ang sinabi kahapon ni Floyd Mayweather Sr. sa trainers’ roundtable na ginanap sa air-conditioned tent press center ng Mayweather-Pacquiao fight.
“Floyd would whoop Manny any day, any time, any year, any moment,” sabi ni Floyd Sr.
“His (Pacquiao) best performance? (It) Was when Marquez thrashed him,” ani Floyd Sr., na ang tinutukoy ay ang sixth round knockout ng Mexicano kay Pacquiao sa kanilang ikaapat na engkwentro noong 2012.
Bagamat ang KO punch ni Marquez ay sinasabing tsamba lamang, sinabi ni Floyd Sr. na hindi ganito ang gagawin ng kanyang anak sa laban na tinaguriang Fight of the Century bukas sa MGM Grand Garden Arena.
“I’m sorry sir, it ain’t gonna be no sucker shot. It’s gonna be a real shot,” dagdag pa ni Floyd Sr.
Kaya naman hinuhulaan ni Floyd Sr. na patutumbahin ni Mayweather si Pacquiao sa laban.
“I don’t know what round it will happen, but when he gets hit like that, it will happen again. Simple,” sabi pa ni Floyd Sr.
“The fight is already won, trust in me. I’m just telling you, the fight is already won.”