INAMIN ng singer-actress na si Tina Paner na hindi talaga sila naging magkaibigan ni Lotlot de Leon kahit na nagkasama sila noon sa That’s Entertainment at nakagawa pa ng ilang pelikula.
“There was never a chance na maging friends kami ni Lotlot,” ang chika ni Tina sa presscon ng bagong afternoon series ng GMA na Healing Hearts na pinagbibidahan nina Joyce Ching at Kristoffer Martin. Inamin ni Tina na may kinalaman sa ex-husband ni Lotlot na si Ramon Christopher ang hindi nila pagiging close.
Kung matatandaan unang na-link si Monching kay Tina bago ito napunta kay Balot, “Noong mga panahon na iyon kasi, nagkakagulo na ang mga fans namin.
E, ang mga fans pa naman noon sa Broadway Centrum, grabe sila kung ipagtanggol nila kami sa ibang fans! It came to a point na nag-aaway-away na sila.
“E, magkakasama kami nina Balot at Monching noon sa Monday group. Awkward na rin yung situation naming tatlo kaya nagpalipat na lang ako sa Friday group.
Mabuti na rin ‘yon para lang hindi na mag-away-away ang mga fans namin. Tsaka ako na rin yung umiwas. “Mga bata pa kasi kami noon kaya masyadong emotional.
Madali kaming masaktan sa tsismis. So, para walang gulo, mas maganda na yung magkakahiwalay ng grupo,” sey ni Tina na mapapanood na nga sa Healing Hearts ng GMA ngayong Mayo.