Libo-libong pasahero na-stranded matapos magkaaberya muli ang MRT

LIBO-LIBONG pasahero ang na-stranded matapos muli na namang magkaaberya sa operasyon ng Metro Rail Transit Line 3 (MRT 3) kaninang umaga.
Inihayag ng mga personnel ng MRT ang tigil operasyon ng MRT mula North Avenue Station hanggang Ortigas Station ganap na alas-6:30 ng umaga matapos tumigil ang isang tren sa southbound lane sa pagitan GMA-Kamuning at Cubao station.
Ibinalik ang operasyon ng MRT ganap na alas-8:15 ng umaga matapos matanggal ang tren na nasiraan.
Napilitan ang mga stranded na pasahero na mag-abang na lamang ng mga bus sa EDSA.
Dahil sa dami ng nag-aabang, dalawang linya ng daan ang naokupahan ng mga pasahero na nagdulot ng lalong pagbigat ng trapiko sa lugar.