UMANI ng pagbatikos ang komedyante at Eat Bulaga TV host na si Joey de Leon dahil sa wala umanong pakundangang joke nito sa Twitter hinggil sa magnitude 7.8 na lindol na sinapit ng Nepla.
Ayon sa komedyante sa kanyang Twitter account na @AngPoetNyo, noong Abril 27: “Sa mga nalibing sa Highest Point in the World dahil sa avalanche because of the earthquake in Nepal, May you EVEREST IN FREEZE!”
Dahil dito uminit ang ulo ng netizen at binatikos si de Leon dahil sa kanyang “tasteless at insensitive” na biro.
Ngunit imbes na mag-sorry ay nag-post ang komedyante ng tweet na: “Sa mga ‘righteous’ dyan: Do not talk to me about respect for the dead. Kausapin nyo muna creators ng Walking Dead at mga Vampire series.”
Gayunman, binura rin agad ng komedyante ang kanyang tweet.