Pagbibida na rin lang ang usapan, aba’y hahangaan mo ang bagong diva ng mga teleserye songs na si Morisette dahil dumating na ang kanyang time.
Ayaw man naming sabihing nawawala na sa eksena si Angeline Quinto dahil tila si Morisette na ngayon ang boses ng mga soap opera ng ABS, pero sa ganda ng timbre at pagiging suwabe nitong kumanta, malamang ngang ito na ang pumalit sa trono ni Angeline.
“Nataon lang po. Siguro I’m just blessed and nakita ng mga executives ang kaya ko namang gawin. Basta po ako, I’m simply enjoying and having fun,” sey ni Morisette sa album launch ng kanyang self-titled album under Star Music.
Wish lang namin, huwag matulad sa ibang female singers na sobrang naging busy sa pagkanta itong si Morisette na nangarag at napagod ang mga boses kaya hayun, madali tuloy napagsawaan ng mga tao!