Inamin ni Kris Aquino na siya ang dapat sisihin kung bakit biglang natsugi ang The Buzz sa ABS-CBN matapos ang 16 na taon nito sa ere. At may kinalaman daw ito sa hiling ng kanyang kuyang si Pangulong Noynoy Aquino.
“Honestly, I am to blame, and I own up to it. Ako lang naman ang aalis, eh, pero it just so happens na may pinaalam din si Toni (Gonzaga). Everything fell into place, and unfortunately nga, si Boy (Abunda) ang nalungkot, and I felt so guilty…
Nag-sorry naman kami (ni Toni),” paliwanag ni Kris sa interview ng ABS-CBN.Ngunit ayon pa kay Kris, napagdesisyon din ng ABS-CBN management na timing din ang pagpapaalam nila ni Toni sa show para magkaroon din ng sapat na panahon ang production team ng programa na makapag-isip ng bagong style sa showbiz news reporting, “and then come back strong and be the best of what we can be”.