Kung walang aberyang mangyayari, ngayong araw ang dating ni Vice Ganda galing ng Amerika kung saan siya nagkaroon ng series of shows na may titulong “I-Vice Ganda Mo Ako Sa Amerika.”
Bukod dito, isinabay na rin ni Vice ang selebrasyon ng kanyang kaarawan kung saan rumampa siyang naka-swimsuit sa Miami Beach, Florida USA kasama ang mga kaibigan.
Samantala, nalungkot naman ang TV host-actor para sa mga kababayan natin sa Michigan, Detroit dahil kanselado ang show niya roon. Hindi raw kasi nakumpleto ng local producer ang bayad base na rin sa regulasyon ng ABS-CBN management.
Narito ang post ng handler ni Vice na si Kate Valenzuela sa kanyang Facebook account, “To our Kapamilya in Michigan, we apologize for the cancellation of ‘IViceGandaMoKoSaAmerika’ in Detroit, Michigan due to the incapacity of the LOCAL PRODUCER to settle the Full Payment to the promoter @berceenterprise.
For Ticket Refund please call the Local Producer MARIVI CARANDANG-SELL 248-2753114 please be informed that there is NO Negotation for a re-schedule.”
Tungkol pa rin sa pagsusuot ni Vice ng swimsuit sa Miami Beach ay katakut-takot na lait ang natikman niya sa netizens pero hindi na sila pinatulan ng TV host-actor.
Ang post ni Vice sa kanyang Instagram account, “Live your life. Enjoy your life. Have fun. If it’s not a crime, DO IT! Might as well do it. Coz even if you don’t, they will still has something to say.
Whatever they say, whatever they think, just go on and be happy. In the end, we will all be judged anyway!”