PINALAGAN ng taga-Star Magic ang balitang buntis si Bea Alonzo kay Zanjoe Marudo. Napansin kasing sobra ang payat ngayon ni Bea nang makita siya sa launching ng isang feminine wash kamakailan.
Naiulat sa isang blog site na buntis si Bea kaya naman kanya-kanyang reaksiyon ang netizens tungkol sa isyu. Nabanggit pang baka mag-ala Cristine Reyes si Bea na panay ang tangging buntis pero totoo naman pala.
Naging palatandaan ang paglilihi ni AA (palayaw ni Cristine) na nangayayat din noon at mega deny na buntis siya, pero sa kalaunan ay umamin ding buntis siya.
Katwiran ng taga-Star Magic, “Paano mabubuntis si Bea, e, busy sa shooting ng ‘Crossroads’ at nagpara-sailing pa. Di ba masama ‘yun kung buntis?”
Kasama si Bea sa pelikula sina Richard Gomez at Dawn Zulueta na may working title na “Crossroads” mula sa direksyon ni Ruel Naval, handog ng Star Cinema.
Huling napanood si Bea sa seryeng Sana Bukas Pa Ang Kahapon kasama sina Paulo Avelino at Albert Martinez na nagtapos noong Oktubre 2014 mula sa Dreamscape Entertainment.