NATULDUKAN na ang away sa pagitan ng beteranang aktres na si Melissa Mendez at negosyanteng Rey Pamaran at athlete-actor Andres Wolff.
Ito ay matapos akuin ng aktres na kasalanan niya ang gulo na namagitan sa kanilang tatlo sa loob ng Cebu Pacific noong isang linggo, dahilan para siya pababain ng eroplano.
Sa post sa kanyang Instagram account nitong Martes, inilagay nito ang screen grab photo ng kanyang paghingi ng sorry kay Pamaran.
Ayon sa aktres, nais na niyang kalimutan ang insidente at mag-move on na.
“In light of the recent incident involving me and Mr. Pamaran, I would just like to simply apologize for my untoward action and move on from this. This incident has caused a lot of pain and trouble to my family, as well as to the other party involved. I am owning up to my mistake,” ayon kay Mendez.
Inamin din niya na wala siyang karapatan na sampalin si Pamaran.
“No matter what the reason might be, I had no right to physically hurt Mr. Pamaran. Again, my deepest apologies to Mr. Pamaran and to all people affected by this,” dagdag pa ng aktres.
Nilagyan pa nito ng caption ang kanyang apology ng quoe mula kay Martin Luther King Jr.: “Darkness cannot drive out darkness, only light can do that. Hate cannot drive out hate, only love can do that.”