Sulat mula kay Sheila Marie Facoma Subdivision, Valencia, Bukidnon
Dear Sir Greenfield,
Magka-college na po ako sa darating na June at ang balak kong kuhaning kurso ay Education. Naisipan kong sumangguni sa inyo upang itanong kung bagay o angkop po ba sa kapalaran ko ang kursong ito. Ang problema ko lang po mahirap lang kami kaya sa ngayon balak ko munang maghanap ng trabaho habang bakasyon. At kung makapagtatrabaho ako balak ko sanang mag-working student.
Kahit kaya working student ako makakaya ko kayang matapos ang course ko at kapag nakatapos na ako, makakapasa kaya ako sa board exam? December 12, 1997 ang birthday ko.
Umaasa,
Sheila Marie ng Bukidnon
Solusyon/Analysis:
Palmistry:
Malinaw at tuwid na tuwid naman ang Fate Line (Illustration 1-1 arrow 1.) sa iyong palad. Tanda na sa sandaling naka-enroll ka ng kursong education, tiyak ang magaganap, sa anumang paraan, makakapag-aral ka sa susunod na pasukan hanggang maka-graduweyt ng college at makapasa sa board exam.
Cartomancy:
Queen of Hearts, Ace of Hearts Nine of Diamonds ang lumabas (Illustration 1.). Ang mga baraha ang nagsasabing basta’t patuloy ka lang na magsikap, umasa at wag aalisin sa isip mo ang pangarap na maging isang guro, tiyak ang magaganap sa tulong ng isang babaing mataba na hindi rin iba sa iyo, maaaring kaibigan, kakilala o kaya’y kamag-anak mo, makapage-enroll ka sa susunod na pasukan hanggang sa tuluyang matupad ang pangarap mong makatapos ng college, maging isang teacher at makapasa sa teacher’s board exam.
Itutuloy…