Mga Laro Ngayon
(JCSGO Gym)
1 p.m. Café France vs Tanduay Light
3 p.m. Hapee vs Jumbo Plastic
IPAKIKITA ng PBA Aspirants’ Cup champion Hapee Fresh Fighters ang kanilang lakas sa pagharap sa Jumbo Plastic sa 2015 PBA D-League Foundation Cup ngayon sa JCSGO Gym sa Cubao, Quezon City.
Ang laro ay magsisimula dakong alas-3 ng hapon matapos ang pagtutuos ng Tanduay Light at Café France sa ganap na ala-1 ng hapon.
Wala na sa Hapee ang mga manlalaro ng San Beda Red Lions sa pangunguna ni Ola Adeogun dahil magsisimula na ang NCAA champion sa kanilang paghahanda para sa bagong season sa kanilang liga.
Alanganin pa ang mga gunners na sina Bobby Ray Parks Jr. at Garvo Lanete dahil sa kanilang injuries kaya’t kakailanganin ni Hapee coach Ronnie Magsanoc ang solidong kontribusyon sa mga datihan tulad nina Troy Rosario, Earl Scottie Thompson, Chris Newsome at Arnold Van Opstal.
Kinuha rin sina Mike Gamboa, Mark Romero, Arvie Bringas, Mar Villahermosa, Mark Lopez at Leo Gabo para punuan ang puwestong iniwanan ng mga manlalaro ng Red Lions.