AKO ang taga lakad ng PhilHealth ng kumpanya namin. Ang last na pagbigay ko ng report ay last August 2014 pa. Hindi ko kasi maisubmit ang report ng September hanggang sa kasalukuyan kasi kulang pa ang requirements ng mga tao.
Pero bayad naman ang monthly remittance namin. Updated naman po ang payments namin. Paano po kung kinaila-ngan ng gamitin ng mga tao ang Philhealth nila? Maaari ba nilang magamit ito?
Pilita de Guzman
….8527
REPLY: Pagbati mula sa Team PhilHealth!
Patungkol po ito sa inyong katanungan na
ipinadala sa column ni Bb. Liza Soriano sa Aksyon Line: kung maaaring maka-avail ng benepisyo ang inyong empleyado kung hindi sila updated sa pagsumite ng kanilang remittance reports.
Nais po naming ipabatid na ayon sa polisiya upang makagamit ng benepisyo ang isang miyembro na employed ngunit hindi updated ang contributions, kailangan lamang pong magsumite sa billing section ng hospital ng kanilang updated Member Data Record MDR at PhilHealth Claim Form 1 na pirmado ng kanilang employer ang Part IV – Employer’s Certification.
Gayunpaman, nais po naming ipaalala na ang pagsusumite ng monthly remittance report ay tuwing ika-limang (5) araw matapos magbayad ng premium upang ang contributions ay mai-post sa bawat empleyado.
Para sa karagdagang impormasyon maaari po silang tumawag sa aming action center hotline sa numerong 441-7442 o mag email sa actioncenter@philhealth.gov.ph
Maraming salamat po.
May nais ba kayong isangguni sa Aksyon Line? Maari kayong sumulat sa aming tanggapan Aksyon Line c/o Inquirer Bandera, MRP bldg., Mola St. cor. Pasong Tirad st., Makati City o kaya ay mag-email sa jbilog@bandera.ph, jenniferbilog@yahoo.com.ph or jenniferbilog97@gmail.com.
Hangad ng Aksyon Line na buong puso namin kayong mapaglingkuran sa abot ng aming makakaya.
Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.