Hayan na at ini-anunsyo na rin ni Cong. Manny Pacquiao ang nalalapit nilang laban ni Floyd Mayweather. Tuloy na tuloy na bakbakang inaabangan ng buong mundo.
Ayon sa social media post ni Pacman, pumirma na ng kontrata si Mayweather sa itinakda nilang May 2 fight kaya’t sa mga nag-aakusa sa kanyang siya’y nagsisinungaling lang o gumigimik, sey ng mahusay nating boksingero, “I’m just explaining to the fans and to prove that I’m not lying.”
Parang napakalapit na ng May 2. Pihadong matinding paghahanda ang gagawin ng parehong kampo dahil ito na nga ang hinihintay ng buong mundo na most exciting boxing bout sa henerasyon natin.
Ang tsismis ay pumepresyo ng limang libong dolyar ang halaga ng isang ticket para makapanood ng naturang laban ng dalawang palabang boksingero. For all its worth…talaga namang history in the making ito.