ALEX GONZAGA, SARAH GERONIMO AT MATTEO GUIDICELLI
BINANTAAN ng mga fans ni Sarah Geronimo si Alex Gonzaga na huwag magkakamaling ahasin si Matteo Guidicelli ngayong magiging magka-loveteam sila sa TV version ng classic movie ng Diamond Star na si Maricel Soriano, ang Inday Bote.
Natatakot kasi ang supporters nina Matteo at Pop Princess na maagaw ni Alex ang atensiyon ng Kapamilya hunk actor – in fairness naman daw kasi sa sister ni Toni Gonzaga, mukhang hindi raw ito mahirap mahalin dahil nga very funny, talented at matalino ring tulad ni Sarah.
Nangakong susuportahan ng Popsters ang Inday Bote pero kapag naramdaman nila na inaagaw na ni Alex si Matteo kay Sarah, malalaman daw ng TV host-actress kung paano magalit at maghiganti ang die hard fans ni Sarah.
Para naman sa amin, kung talagang mahal ni Matteo si Sarah, kahit landiin pa siya ni Alex ay hindi niya ito papatulan. So, nasa lalaki pa rin ‘yan kung gaano katindi ang kanilang pagiging loyal sa kanilang karelasyon.
Anyway, speaking of Inday Bote, nangako si Matteo na gagawin niya ang lahat para makasabay sa akting ni Alex at mabigyan ng hustisya ang role na ipinagkatiwala sa kanya. Aniya, nakaka-refresh daw ang makatrabaho si Alex.
“She’s very open. She’s very generous as a person, very generous with her emotions, with her feelings. It’s very nice to work with her and I enjoy working with Alex,” papuri pa ng binata sa dalaga ni Mommy Pinty.
Feeling blessed din siya dahil sa dami ng magagaling na aktor sa AB-CBN ay sa kanya ibinigay ang Inday Bote, pero aniya, “I don’t want to put too much on my plate right away so I’m going to focus on Inday Bote and see where it goes. I’m going to put my 100% there to be efficient also.”
Umaasa rin si Matteo na mas marami pa siyang magagawang proyekto na matsa-challenge siya as an actor, “I like suspense-action. I don’t know if it’s going to be possible, hopefully in the future, if there’s going to be like an indie film, like a thriller-action I would love to do it. Well adventure, like something involving the nature, something involving the outdoors.”
Marami pa siyang gustong makatrabaho in the future, “Maraming veteran actors that I really want to work with, a lot. John Estrada, I look up to him. He’s a very intense person especially when he’s on set. I’ve worked with him was ‘yun nga sa Agua Bendita and it started there.
“Hopefully in the future I will be able to work with him again. Also Richard Gomez, Aga Muhlach, those guys I look up to and I hope one day I will get to work with them,” aniya pa.