Bagong itsura ni Jake Cuenca inokray ng laiterang babae

IMBES na patulan in a negative way ni Jake Cuenca ang ilang pumintas at pumuna sa kanyang pisikal na anyo, minabuti ng aktor na maging positive.

Mayroon kasing netizen na nag-post at sinabing nakita niya ang aktor sa isang pampublikong lugar at sinabi niyang ordinary looking lang si Jake, di hamak daw na mas guwapo pa ang dyowa niya.

Kumalat ang naturang post at pinagpiyestahan ng mga opinyon hanggang sa makarating mismo kay Jake  na sumagot nga ng napakapositibo.

Sey ni Jake, “I am what I am and I am not what I am not..seriously, always feel good about yourself don’t let other people/haters bring you down.”

O di ba bongga kapatid na Ervin, though may malinaw ding mensahe ang pangyayari lalo na sa mga artista na nakikita sa public places.

Tama ang maramdamang “you are what you are and feel good about yourself,” pero dahil elevated ka kumbaga ng one step higher sa mga ordinaryong publiko in terms of looks and appearance (read: glamour and style), natural ding umasa ang paying public na makita ka ng maayos.

This is referring to all, not only to Jake na kilala naman nating fashionista at laging postura at hunk na hunk kahit saan man magpunta.

At doon sa babaeng nag-post na mas guwapo pa ang BF niya, isang malakas na halakhak na lang ang isasagot namin dahil kahit gusto naming maniwala, eh hindi naman artista ang  dyowa niya kaya, hello, hello na lang girl! Ha-hahaha!