Ayaw pa ring tumigil ng mga usap-usapan sa social media tungkol sa tunay na ama ng anak ni Andi Eigenmann na si Ellie.
Ipinipilit kasi ng ilang netizens na baka raw si Jake Ejercito ang tatay ng bagets at hindi ang TV5 hunk actor na si Albie Casino tulad ng kine-claim ni Andi noong kasagsagan ng kanyang pagbubuntis.
Hamon nga ng mga bashers sa anak ni Jaclyn Jose, ituloy na niya ang DNA test para magkaalaman na dahil mas marami ang naniniwala ngayon na si Jake ang tunay na tatay ni Ellie at hindi nga si Albie.
Sa interview ng News5, nagsalita naman si Albie tungkol dito, “Well, you know, everything will come…like, you can’t hide everything naman, ‘di ba?
“If you have a secret, you can’t keep it hidden forever. The truth will always come out, ‘di ba? So, who knows what happened?” chika pa ng binata na makakasama nga sa Wattpad Presents: A House Full of Hunks ng TV5 kung saan makakasama rin ang ilan pang hunk models ng Singko at si Jasmine Curtis.
Inamin din ng young hunk actor na hindi na itinuloy ang DNA testing kay Ellie noon dahil, “Masyado na kasing time-consuming, e, parang, I’d rather not go through the hassle.”
Hindi rin daw niya napi-feel na vindicated siya sa mga nangyari sa kanila noon ni Andi ngayong si Jake nga ang sinasabing tunay na ama ni Ellie, “No, not really.
Because it’s all, like, it was just all speculations, ‘di ba? So, how can I feel vindicated with speculations, ‘di ba?” Kung matatandaan, hindi inako ni Albie ang responsibilidad sa anak ni Andi dahil hindi naniniwala ang kanyang pamilya na sa kanya ang bata.
Kaya nga nag-demand sila noon na ipa-DNA ang baby para malaman ang katotohanan. Pero para sa amin, dapat kay Andi na manggaling ang pagdedenay o ang pag-amin, sana’y magkaroon siya nang lakas ng loob na ibandera na sa buong mundo kung ano talaga ang katotohan.