Susuwertehin na sa ika-3 pag-aasawa (2)

Sulat mula kay Annalyn ng Poblacion, Tambuling, Zamboanga del Sur

Problema:
1. Hindi ako pinalad sa una kong pag-aasawa, kasi nagsama lang kami ng almost three years tapos nagkahiwalay na kami. Nagkaroon kami ng isang anak tapos nagluko at nambabae na siya. Sa ngayon ay namamasukan ako sa isang restaurant para buhayin ang kaisa-isa kong anak na babae at naisipan kong sumangguni sa inyo upang itanong kung makapag-aasawa pa ba ako?
2. At kung makapag-aasawa pa ako sa ikalawang pagkakataon, magiging maligaya na kaya ako? May nanliligaw kasi sa akin na isinilang noong April 9, 1989 at November 8, 1988 naman ang birthday ko. Compatible po ba kami at kami na po ba ang magkakatuluyan?
Umaasa,
Annalyn ng Zamboanga City
Solusyon/Analysis:
Astrology:
Ang zodiac sign mong Scorpio (Illustration 2.) ang nagsasabing ang huling lalaking darating sa buhay mo na pang habang buhay ng makakasama at mapapangasawa ay isinilang sa zodiac sign na Taurus at hindi Aries tulad ng manliligaw mo sa ngayon.

Numerology:
Ang birth date mong 8 ay nagsasabing sa ikatlong lalaking darating sa iyong buhay na pang habang buhy mo ng makakasama ay sinilang sa birth date na 7, 16 o kaya’y 25, kung saan, tulad ng nasabi na, ang lalaking ito ay magiging tapat sa iyo habang buhay.
Luscher Color Test:
Upang maging mapalad ka na sa pag-aaswa at hindi na uli iwanan pa ng lalaking makakarelasyon mo lagi kang gumamit at magsuot ng mapalad mong kulay na pula at berde. Sa nasabing kulay magtutuloy-tuloy na ang iyong suwerte at tagumpay sa larangan ng pakikipag-relasyon at pag-aasawa.
Huling payo at paalala:
Annalyn kahit iniwan ka ng unang lalaking iyong pinakasalan at halos ganon din ang magiging kapalaran sa ikalawang pakikipag-relasyon hindi ka dapat mawalan ng pag-asa. dahil ayon sa iyong kapalaran sa susunod na taong 2016 sa buwan ng Pebrero hanggang Abril isang lalaking halos kasing edad mo rin ang darating na may itinitial na R.B.. sa piling ng nasabing lalaki na makikilala mo habang nagta-trabaho ka, tulad ng nasabi na, sa larangan ng pakikipag-relasyon at pag-aasawa habang buhay ka ng liligaya.