Makapagsi-seaman na ba ngayong 2015?

Sulat mula kay Rommel ng Nazareth St., Bansalan, Davao del Sur
Dear Sir Greenfield,
Matagal na akong nag-aaplay sa barko, kaya lang parang malas. Kasi mag-iisang taon na hindi pa rin ako nakakasampa, kaya naisipan ko pong sumulat sa inyo upang itanong kung may pag-asa pa kaya akong makapag-barko? Dati na po akong nag-seaman ang kaso local lang ang company na napasukan ko fishing po ang trabaho ko at maliit lang ang suweldo, kaya sa ngayon pang-abroad na barko na ang balak ko. Matutuloy na ba ako sa taong ito ng 2015 o may travel line ba sa palad ko? April 28, 1988 ang birthday ko.
Umaasa,
Rommel ng Davao del Sur
Solusyon/Analysis:
Palmistry:
May malinaw namang Travel Line sa iyong palad (Illustration 1-1 arrow 1.). Ibig sabihin tama ang binabalak, ang iniisip at ang plano mo – sa malapit na hinaharap, hindi lang pang-local, may pagsi-seaman na itatala sa iyong takdang kapalaran.
Cartomancy:
King of Clubs, Three of Diamonds at Nine of Diamonds ang lumabas (Illustration 1.). Ang mga baraha ang nagsasabing sa tulong ng isang lalaking mas matanda sa iyo na may posisyon, sa buwan ding ito ng Pebrero mas madali kang makakasampa sa barko ng magreresulta ng ikaw ay kikita ng maraming-maraming pera.
Itutuloy….