Piolo umamin: Hindi ako katulad ni Coco!

“HINDI ako katulad ni Coco Martin!”

Ito ang mariing sinabi ni Piolo Pascual nang tanungin kung may bago ba siyang teleserye ngayong taon. Gusto raw kasing magpahinga muna ng Kapamilya singer-actor matapos gawin ang huli niyang soap na Hawak Kamay.

“Sabi ko kasi movie-soap-movie-soap. Mahirap magkakasunod na soap, eh. Nakakapanghina. “Hindi ako si Coco, hindi ko na kaya na soap-soap. Saka ‘yung last na soap ko, feeling ko binigay ko na ‘yung kaluluwa ko dun sa soap eh.

Hindi lang ako na-drain, ilang beses na ako ni-refill du’n,” paliwanag ni PJ. Pero huwag daw mag-alala ang fans ni Piolo dahil kahit hindi raw matutuloy ang gagawin sana nilang pelikula ni Sarah Geronimo, meron pa rin siyang movie na tatapusin under Star Cinema.