Minamalat at halatang ngarag si Bossing Vic Sotto nang humarap itong muli sa ikalawang presson ng MMFF 2014 entry nilang “My Big Bossing”. Pero despite this, mukhang bagets na bagets pa rin naman ang boyfriend ni Pauleen Luna.
Tuwang-tuwa si Bossing habang pinapalakpakan at pinanonood ang dance number ng dalawang bagets na kasali sa kanilang pelikula, sina Alonzo Muhlach at Ryzza Mae Dizon bilang pagsisimula ng presscon.
Confident si Bossing na muli nilang makukuha ang mga kids at mga magulang sa darating na MMFF tulad ng pagsuporta ng mga ito sa “My Little Bossings”, sa katunayan ay lilipad patungong Cebu ang buong tropa dahil “most requested” sila ng mga Cebuano.
“Parang Metro Manila din ang Cebu. Maraming sinehan kaya parang eleksyon lang ang peg, mangangampanya kami doon,” ang sey pa ni Vic.