Teleserye nina KRIS at ROBIN puro problema

Ilang beses na palang napa-pack up ang taping ng seryeng Kailangan Ko’y Ikaw nina Robin Padilla, Anne Curtis at Kris Aquino dahil sa schedule at ilan pang problema sa production.

Noong nakaraang Martes ay nagka-problema sa location at may revision pa sa script kaya biglang na-pack-up ang taping.

Mukhang pabor naman ito kay Binoe dahil bisi-bisihan siya at asawang si Mariel Rodriguez kay BB Gandanghari na sa bahay nila ngayon nakatira. .

Samantalang si Kris naman ay busy din sa Kris TV araw-araw at back-pack tapings nito sa out of town tulad sa darating na Linggo, nasa Bataan ang TV host-actress para sa taping ng kanyang morning show.