Parang wala namang masyadong epekto sa rating ng seryeng Ikaw Lamang ang kontrobersiyang kinasasangkutan ngayon ng Teleserye King na si Coco Martin.
In fairness, patuloy na umaariba ang master serye ng ABS-CBN, patunay lang na kahit anong mangyari ay hindi mawawala ang suporta ng madlang pipol sa programa.
Feeling din namin, mas lalong minahal ng publiko si Coco dahil sa paghingi niya ng sorry kahit na nga hindi siya talaga siya ang dapat sisihin sa naganap na underwear show recently.
Anyway, sa pagpapatuloy ng Ikaw Lamang, sisiklab na ang galit at poot sa puso ng karakter ni KC Concepcion na si Natalia ngayong natuklasan na niya na ang itinuturing na karibal sa puso ni Gabriel (Coco) na si Jacq (Kim Chiu) ay ang kanyang nawawalang kapatid na si Andrea.
Sa kanyang pagbabalik, gagawin niya ang lahat para wasakin ang buhay ni Andrea matapos nitong sirain ang relasyon nila ni Gabriel. Abangan ang paghihiganti ni Natalia na siguradong magpapagalit sa fans ni Kim bilang si Andrea.
Sa direksyon nina Malu Sevilla, Manny Palo at Avel Sunpongco, ang Ikaw Lamang ay mula pa rin sa Dreamscape at napapanood after Hawak Kamay sa Primetime Bida.