“TOTOONG buntis si Cristine Reyes!” Ito ang naghuhumiyaw na sabi sa amin ng isang taong nakakaalam ng tunay na kalagayan ngayon ng sexy actress.
Nabasa raw niya ang sinulat namin dito sa BANDERA kahapon ang tungkol sa pagde-deny ni Ara Mina na buntis ang kapatid niya sa foreigner boyfriend nito.
Sinulat namin kahapon na itinanggi ni Ara na buntis si Cristine nang makatsikahan namin sa FAB Bazaar noong Sabado.
Ito rin ang sinasabi ni Ara sa mga interview niya sa presscon ng Trenderas ng TV5 kamakailan na nagngangalang Heidi na kapatid nila ang buntis at hindi si Cristine.
Pagdidiin ng taong kausap namin, “Buntis talaga si AA, ayaw lang ipagsabi kasi may project siya ngayon sa ABS (CBN) gagawan pa ng paraan kung paano hangga’t hindi halata.”
Maitatago ba iyon kung hindi totoong buntis si AA? Sa madaling salita ay hindi nagsasabi ng totoo ang aktres sa pamilya niya particularly sa ate Ara niya? Hmmmm, sabagay, kung totoong hindi buntis si Cristine ay madaling sagutin ng, “hindi” sa interview niya during the premiere night ng “The Gifted” kaysa mag-walkout siya, tama ba bossing Ervin? (Tumpak na tumpak Reggs! As in! – Ed)