Siguro naman ay matitigil na ang mga kababayan natin sa pag-iisip na imaginary girlfriend lang ang sinasabing karelasyon ni Enchong Dee. Napakarami kasing nagkokomento na walang katotohanan na meron nang karelasyong babae ngayon ang guwapong hunk actor.
Kuwento-kuwento lang daw ‘yun, imbento lang niya, dahil ang mas pinagkukuwentuhan nga ay ang kaduda-duda niyang kasarian. Pero totoong tao pala si Samantha Louis, isinama niya ang babae sa Star Magic Ball, may girlfriend na nga pala si Enchong Dee.
Nagdesisyon siyang isama na ang kanyang girlfriend sa okasyon dahil kahit daw naman kasi ano ang sabihin niya ay pinagdududahan pa rin naman ang pagkakaroon niya ng karelasyon.
Gusto man niyang gawing pribado ang kanyang lovelife ay napuwersa na siyang ilantad si Samantha para patunayan sa lahat na totoo ang kanyang mga sinasabi.
Kaya mula ngayon, mga kapatid, maniwala na tayo na meron na ngang girlfriend si Enchong Dee. Ipinakilala na niya si Samantha Louis, kulang pa ba ang kanyang ginawa para maniwala tayo na babae ang karelasyon niya, may kulang pa ba?
Siguro naman, sa pagkakataong ito ay mababawasan na ang mga nagdududa sa gender ni Enchong Dee, naglabas na siya ng ebidensiya tungkol sa katotohanan ng kanyang mga sinasabi.