Enchong niyayang pakasal ng fan, binigyan ng singsing

IBINANDERA ng Kapamilya actor na si Enchong Dee na nakatanggap siya ng isang engagement ring mula sa isang fan.

Sa kanyang Instagram account, ipinakita ni Enchong ang singsing na ipinadala sa kanya ng isang nagngangalang Nikki Savet, na taga-Vienna, Austria. Kamakailan ay nagtungo ang aktor sa nasabing bansa para sa series of shows ng ilang Star Magic talents doon.

Ang nasabing engagement ring ay nasa loob ng isang sulat. Dito mababasa ang mahabang litanya ng nasabing foreigner kung gaano niya kamahal si Enchong.

Sey ng aktor, maaaring ang nasabing Austrian ay isa sa mga nakapanood ng show nila sa Vienna ilang linggo na ang nakararaan. Wala pa raw siyang naiisip gawin kung paano niya sasagutin ang nasabing “wedding proposal”.