INASAHAN ng taumbayan sa “Big Day” ng Liberal Party ang pahayag ni Mar Roxas na tatakbo bilang bise presidente ni Noy Aquino.
Inaasahan din nila na naroon ang dalawang babae na malalapit sa kanilang mga puso: sina Korina (kay Mar) at Shalani (kay Noy).
Wala nga naman ang dalawang babae. Pero, sinabi nina Noy at Mar na abala sila sa kani-kanilang pinagkakaabalahan.
Marahil hindi sila abala sa kani-kanilang pinagkakaabalahan nang dumalo sila sa mga naunang pagtitipon ng partido. At sa Big Day ay abala sila sa kani-kanilang pinagkakaabalahan.
Ramon Magsaysay-Luz, Carlos Garcia-Leonila, Diosdado Macapagal-Eva, Ferdinand Marcos-Imelda, Fidel Ramos-Ming, Joseph Estrada-Loi.
Nakatutulong nga ba ang mga babae sa mga naghahangad ng matataas na puwesto?
Kailangan ba sina Korina at Shalani para manalo sina Mar at Noy?
BANDERA Editorial, 092209