Dahil dito nais ni Lee na pormal na humingi ng paumanhin sa publiko ang mamamahayag na si Ellen Tordesillas ng Vera Files.
Si Tordesillas ang sumulat na kinu-quote si Lee na nais umano niya ang kanyang relasyon sa pangulo “would last the full length.”
Sa kanyang tweet @gracelee899, inilarawan ni Lee ang artikulo na lumabas sa Philippine Daily Inquirer na “very false n vile.’
Nai-post ang tweet alas 10:30 ng umaga kahapon.
Sa nauna pa niyang tweet sa @gracelee899, sinabi ni Lee na ang artikulo na may titulong “Grace Lee sees herself marrying PNoy” ay isang kasinungalingan.
Kahapon ng hapon, sinabi ni Lee sa kanyang tweet sa dziq990: “I’m deeply offended that a journalist like Ellen Tordesillas would write an article of lies to sensationalize one’s private life.
I have never said anything remotely close to what her write-up says I did.”
Hiniling din ng TV host na pangalanan ni Tordesillas ang sinasabi nitong source “who claims to have spoken to me regarding the PSG issue as this is not to be taken lightly.”
Sa huli niyang tweet kahapon ng hapon, sinabi ni Lee na: “Ok enough na…. can’t let this affect me the whole day. natatalo positivity ko! let’s cook! haven’t eaten whole day.” — Inquirer