‘Dedikasyon’ kailangan para sumikat sa basketball
DEDIKASYONG gumaling ang dapat laging nasa isipan ng isang basketbolista na nais na sumikat sa sport ng basketball.
Ito ang naging mensahe ng mga NBA players na sina DeMar DeRozan ng Toronto Raptors at Wesley Johnson ng Los Angeles Lakers na nasa bansa para suportahan ang ikaapat na edisyon ng NBA 3X Philippines na handog ng Sprite.
“Stay dedicated. That’s the biggest part, just stay dedicated to the craft and try to continue to get better every single day,” wika ng 6-foot-7 guard na si DeRozan na nakasama si Johnson, ang mga kasapi ng Toronto Dance Pak at ang mascot na si Slamson sa pulong pambalitaan kahapon sa NBA Café sa SM Aura, Taguig City.
Parehong tinuran ng NBA players na may pagkakataon na tatamarin ka sa pagsasanay pero dapat itong paglabanan dahil isa ito sa puwedeng maging hadlang para humusay ang isang manlalaro.
“Hardwork and dedication. You have to go in on days when you don’t want to go in. Just stay working,” paalala ni Johnson.
Ang mga bisita na dumating noong Miyerkules ang makakasama sa NBA 3X na sisimulan ngayon hanggang Linggo sa SM Mall of Asia Music Hall.
Umabot naman sa 200 koponan ang kasali sa taong ito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.