Nagsalita na si Angelica Panganiban tungkol sa isyu sa kanila ni John Lloyd Cruz tungkol sa diumano’y madalas nilang paglalasing sa bar.
“Ang opinyon ko, hindi ko nakikitaan ng problema ‘yong pag-inom, o ‘yong social drinking. Ang masama kung sumobra ka, may mga nangyayari nang hindi maganda, hindi ka na nakakapunta ng trabaho, o hindi ka na nakaka-perform nang maayos,” paliwanag ng aktres.
Ipinagtanggol din niya ang sarili at si John Lloyd sa mga taong ang tingin sa kanila ay lasengga at lasenggo, “Kahit na uminom siya wala siyang tinatapakang mga tao at ganoon din ako.
Wala kaming inaagrabyado. Mabait pa nga kami ‘pag nakainom, mas malaki nabibigay kong tip.” Ang kumpletong interview kay Angelica sa Tapatan Ni Tunying ni Anthony Taverna ngayong 4 p.m. sa Kapamilya Gold ng ABS-CBN.
Sa hiwalay na panayam ni Tunying ay matapang na inamin ni Jhong Hilario na nakagamit na siya ng ilegal na droga. Nangyari ito noong kasagsagan ng kasikatan ng grupo nila noong Street Boys.
“Uso pa ‘yong ecstasy dati. Kasi minsan kapag napabarkada ka talaga lalo na’t kung nag-eenjoy ka doon sa barkada mo na may ginagawang kalokohan, minsan hindi ka makahindi,” pag-amin ni Jhong.
“Noong nabigyan ako ng chance dito sa industriya, hindi ko na sinayang. Inalis ko na lahat ‘yon. Kinalimutan ko na lahat ‘yon. Ang ginawa ko na lang talagang nag-concentrate ako doon sa craft ko,” ani Jhong.
( Photo credit to angelica panganiban official fanpage )