FEELING ni Angel Locsin hindi na magkakaroon ng book two ang teleserye nila nina Jericho Rosales at Maja Salvador na The Legal Wife. Ito’y sa kabila nga ng tinamong tagumpay ng programa sa Primetime Bida ng ABS-CBN.
In fairness, hanggang ending ng serye ay nag-worldwide trending ito at nakakuha pa nga ng napakataas na rating noong Biyernes. Pero sabi nga ni Angel, sa ngayon ay malabo itong magkaroon ng part two.
Sey ni Angel, sa tingin niya raw ay hindi na magkakaroon ng sequel ang kanilang teleserye, “Kasi gusto naming ibigay kung ano ‘yung totoong nangyayari talaga.
I think naipakita naman ng The Legal Wife ‘yung objective namin na maging empowered ‘yung mga kababaihan, na may sarili silang desisyon at kaya nilang mabuhay na nag-iisa ang choice nila at hindi umaasa sa ibang tao,” paliwanag ng Kapamilya actress.
Dagdag pa ni Angel, nakakatuwa at nakakataba ng puso ang pagsuporta ng publiko sa kanilang programa. At sa ilan namang nang-ookray sa The Legal Wife na nagsasabing wala naman daw magandang itinuro ang programa sa viewers kundi ang paglalandi ng isang kabit, dedma na lang daw ang girlfriend ni Luis Manzano.
Aniya, wala naman daw silang intensiyon na manghusga o bigyan ng justification ang mga other woman. Ang tanhing nais lang nila ay maging inspirasyon ito sa lahat ng pamilyang Pinoy, lalo na sa mga mag-asawa.
“Huwag tayong papayag na masira ng ibang tao ang pamilya natin. ‘Yun lang naman ang objective ng palabas namin,” hirit pa ng aktres. About her boyfriend Luis Manzano, “Napakaswerte ko talaga.
Nagpapasalamat ako na ganu’n ‘yung boyfriend ko, kasi hindi naman lahat nakakaintindi sa trabaho namin. Ang haba ng oras ng taping namin, tapos hindi kami nagkikita masyado.
So napakaswerte ko lang na pinapahalagahan niya ‘yung trabaho na minamahal ko.” Samantala, habang wala pang serye si Angel, mapapanood muna siya sa third season ng reality talent search ng ABS-CBN na Promil i-Shine Talent Camp.
Isa siya sa magiging mentors ng mga tsikiting na mapipiling contestants sa show. Siya ang nakatokang celebrity sa acting category ng nasabing reality show.
Sa nakaraang presscon ng programa ay ipinakilala si Angel kasama ang iba pang mentors ng mga bagets na maglalaban-laban sa Promil i-Shine Talent Camp 3 kabilang na ang artistic director ng G-Force na si Georcelle Dapat-Sy para sa dance category, at ang Divine Diva na si Zsa Zsa Padilla para naman sa singing.
Sila ang magga-guide sa mga i-Shiners sa pamamagitan ng series of workshops kung saan sila mismo ang makakaharap ng mga kids. Magsisilbi pa ring hosts ng talent search sina Dimples Romana, Matteo Guidicelli at Xian Lim.
Ayon sa mga taong nasa likod ng Promil Pre-School i-Shine Talent Camp, “We’re back on our third year with a bigger and better production, as Wyeth Nutrition and ABS-CBN go beyond the studio walls and expose the kids to real talent institutions that have nurtured and developed similar talents – of dancing, singing, and acting – throughout the years.”
“For over 25 years, Promil Pre-School has been advocating the development of the Filipino children’s talents with the help of their parents, proper care and proper nutrition.
In line with this advocacy, the i-Shine Talent Camp aims to help exceptionally talented preschoolers develop their full potential. Aside from the extensive workshops, the roles of parents and proper nutrition will also play a big part in nurturing the preschoolers’ gifts to mastery.”
Ang magwawaging contestant ay mag-uuwi ng mahigit P1 million worth of prizes, and a contract from ABS-CBN. Magsisimula na ang show sa June 28, Sabado ng umaga pagkatapos ng Sponge Bob Square Pants.
In fairness, unti-unti nang nakakagawa ng sarili nilang pangalan sa showbiz ang dalawang i-Shiners na sina Lukas Enrique Magallano (2012) at Yesha Camille (2013).
Lukas was able to appear in Kapamilya shows such as ASAP, Little Champ and Muling Buksan Ang Puso habang si Yesha naman ay kasali sa bagong serye ni Piolo Pascual (na dati ring mentor ng show) sa ABS.
( Photo credit to angel locsin official fanpage )