When reports surfaced na binisita ni Krista Miller ang isang high-profile inmate sa isang ospital ay marami ang naloka, marami ang hindi makapaniwala, marami ang nagulat.
Ano raw ba ang ginawa niya roon? Kaanu-ano niya ang sentensiyadong drug lord na si Ricardo Camata? Totoo nga bang siya ang “nagpapaligaya” sa tuwing malungkot ang nasabing inmate?
Isa si Krista sa mga active sa social media at marami ang gustong marinig ang side niya. When we tried to open her Twitter account ay hindi na namin ito mabuksan, parang isinara na niya.
We’ve learned na iimbestigahan ng DOJ ang starlet para malaman kung bakit binisita niya si Camata. Kahapon, Krista broke her silence about it. While crying, sinabi niyang pinuntahan lang niya si camata para bentahan ito ng condominium units.
She denied giving sexual favors to Camata, “Hindi po ako masamang babae, real estate properties ang ibinibenta ko at hindi ang sarili ko. Mas lalong hindi rin ako gumagamit ng drugs,” she explained.
Umingay ang name ni Krista when she was linked to Cesar Montano. Hindi nga ba’t siya ang itinuturong dahilan ng hiwalayan nina Cesar at Sunshine Cruz?
( Photo credit to krista miller official fanpage )