Dear David,
ISA ako sa masugid mong tagasubaybay at nais ko ring magkaroon ng mahihiwagang numero na bumabalot sa aking buhay. Ipinanganak ako noong Oktubre 5, 1985. Natigil ako sa pag-aaral sa kolehiyo nang magkasakit ang tatay ko.
Namamasukan ngayon ang nanay ko bilang ordinaryong empleyada. Panganay ako sa apat na magkakapatid kaya’t ako ngayon ang nag-aalaga sa kanila. Bigyan mo ako ng gabay sa pagtatagumpay.
Makakapagpatuloy pa kaya ako ng pag-aaral sa kolehiyo? Ano ba ang masusuwerte kong taon, buwan at petsa? Bigyan mo rin ako ng buwenas na kulay at numero na puwedeng tayaan sa suertres at lotto.
SHIELA NG
BACOLOD CITY
Dear Shiela,
MAKAKARANAS ka ng mabibilis na pagbabago sa takbo ng iyong buhay. Puro sorpresa ang magaganap—negatibo man o positibo. Taglay mo kasi ang mahiwagang No. 5.
Malinaw kung gayon na ikaw ay makakapagpatuloy sa pag-aaral sa kolehiyo pero sa hindi mo rin inaasahang panahon at sitwasyon. Isang malayong kamag-anak ang mag-aalok sa iyo ng trabaho kung saan makakapag-aral ka sa gabi.
May kakayahan ka ring magtrabaho sa ibang bansa na siyang magpapabago sa takbo ng inyong buhay.
Taglay mo rin ang mahiwagang No. 2 na nagsasabi na maaari ka ring mag-asawa nang biglaan sa panahon na hindi mo inaasahan pero magiging blessing-in-disguise ito kasi’y makakatulong ito sa iyong pag-unlad at kapanatagan nang buhay.
May naghihintay sa iyo na magandang kapalaran sa taong 2012, 2014 at 2017 kung saan matutupad ang marami mong pangarap kabilang ang muling pag-aaral, pagkakaroon ng matatag na hanapbuhay at pag-aasawa.
Buwenas ka sa mga buwan ng Marso, Hulyo at Nobyembre lalo na sa mga petsang 2, 6, 11, 18, 22, 27 at 30 partikular kapag natapat sa araw ng Miyerkules at Biyernes.
Kulay gray at green ang buwenas mo. Sa suertres, isama mo sa No. 5 at No. 2 ang No. 1. Sa lotto, pumulot ka sa mga sumusunod: 2-5-11-17-23-27-34-37-40-42. ASSET tips: 2-5-8/1-2-5/7-9-2. Wiretips: 3-2-5/8-3-6/1-4-8. Double digit: 1-5/ 7-2/6-2. Luzon guide: 1-5-11-18-22-28-33-36-40-42. VisMin: 2-5-11-18-23-34-40. MegaLotto: 1-3-11-17-23-25-34-37-40-42. Grand Lotto: 2-6-11-17-23-27-34-37-40-47-50-53-55. Grand Lotto: 2-5-11-18-24-26-34-36-40-46-50-53. Four Number: 2-2-7-3/1-4-2-5/7-2-4-2.