MELANIE MARQUEZ
YUNG nakaraang pagdya-judge namin ng Parade of Lights sa Tanauan City, Batangas sa imbitasyon ng magiting nilang alkaldeng si Hon. Thony Halili and the Rotary Club of Tanauan ay maituturing na isa sa pinakamasaya naming out of town events.
Kasi nga, kasama namin ang ilang members of the entertainment press to witness the event plus the company of some artists very close to our hearts like former Miss International (1979) Melanie Marquez, versatile actor Patrick Garcia and Dra. Vicki Belo na talaga namang halos dumugin ng mababait na taga-Tanauan City.
Bukod sa naggagandahang lighted floats and the warm accommodation ng mga mahal nating co-Rotarians and their spouses, ang saya ng tsikahan namin nina Ining Melanie na talaga namang binuhay ang aming gabi. Gosh! Yung kuwento ng kaniyang Melanism – ang mali-maling grammar niya ang topic of the night, she opened the topic to the delight of everyone.
“At least ako, inaamin kong sumasablay ako sa English grammar. Natatawa na lang ako kung minsang nari-realize kong mali yata ang nasabi kong word. Kasi nga nagra-rhyme naman, di ba? Kumbaga, bahala ka na lang umintindi. Ha-hahaha! Sa totoo lang, pinagtatawanan ko ang sarili ko tuwing may naririnig akong comments about me, kasi nga totoo naman sila, di ba? Kaya hindi ako nau-offend.
“Tulad nu’ng minsang kausap ko ang lawyer ko, panay ang sabi ko ng bridge of contract, mali pala iyon – breach of contract pala. Ha-hahaha! Yung parasite instead of paralyzed. Nakakaloka! Kaya might as well come up with a book, compilation ng mali-mali kong grammar para mas ma-enjoy nila ang mga kalokahan ko.
“Tatawagin ko itong ‘MIMI BY ME’ at malamang na iri-release ko ito bago matapos ang taon,” ani Melanie na kahit naka-braces pa ang likod ay nakuha pa ring mag-judge sa first-ever Parade of Lights sa Tanauan.