TIYAK na magpipiyesta ang mga bading sa hubad na katawan ni Aljur Abrenica sa fantaseryeng Kambal Sirena ng GMA 7 na magsisimula na bukas ng gabi sa TeleBabad.
Niloloko nga ng press people ang Kapuso hunk actor na baka raw may bading na bigla na lang manggigil sa kamachuhan niya at bigla na lang siyang dakmain.
Sa trailer pa nga lang ng Kambal Sirena kung saan ilang beses ipinakita ang hubad niyang katawan ay halos mabaliw-baliw na ang kanyang mga beking fans, e, di lalo na kapag nagsimula na ito sa ere sa Lunes.
Hindi ba’t nang kumalat ang litrato ni Aljur kung saan naka-wetsuit siya at bakat na bakat ang kanyang pagkalalaki ay talagang naglaway ang kanyang fans, kaya nga napilitan si Aljur na tanggalin ang nasabing picture sa kanyang Instagram account.
Nako-conscious ba ang aktor kapag lagi na lang ginagawang issue ang kanyang bukol? “Huwag n’yo na lang pansinin, hindi ako maaasiwa!” natatawang sagot ng Kapuso leading man.
Naku, kailangang mag-ingat din si Aljur sa paglabas-labas niya dahil sigurado kaming maraming gustong manghipo sa kanya, lalo na ang mga bading na laway na laway sa kanyang pototoy. Ha-hahaha!
Inamin naman ng binata na nape-pressure rin siya sa nalalapit na pagsisimula ng Kambal Sirena na pagtatambalan nila ni Louise delos Reyes.
“Oo nga, e. Hindi pa nagsi-sink in sa akin na lalabas na kami sa Monday, e. Basta ako, I’m very excited. We’re aware na may competition but hindi namin, mas nagpo-focus kami sa kung ano ‘yung kaya naming gawin bilang isang artist,” tugon ng binata.
Makakasama nina Aljur at Louise sa Kambal Sirena sina Chanda Romero. Lotlot de Leon, Winwyn Marquez, Tessie Tomas, Nova Villa, Mickey Ferriols, Yul Servo, Pancho Magno, Angelica Dela Cruz, Polo Ravales, Rich Asuncion at Mike Tan.
Ito’y sa direksyon ni Dondon Santos. Pero bago nga ito magsimula, mapapanood muna ang cast ng fantaserye ngayong hapon sa Tanay Town Center.