Tado, 13 pa patay sa aksidente sa Mt. Province

LABING-apat katao, kabilang ang komedyante at aktibistang si Tado, Arvin Jimenez sa totoong buhay, ang nasawi habang 33 pa ang sugatan nang mahulog ang sinakyan nilang bus sa isang malalim na bangin sa Bontoc, Mt. Province, kaninang umaga.

Kabilang din sa 14 nasawi ang Canadian na si Alex Adres Loring at Anne Van De Van, ng the Netherlands, sabi ni Senior Supt. Oliver Enmodias, direktor ng Mt. Province provincial police, sa kanyang ulat.