Shaina palaban sa hubaran

Kahit may pinagdadaanang problema

BILIB na bilib si Jake Cuenca sa pagiging professional ng kanyang leading lady sa bagong teleserye ng ABS-CBN na si Shaina Magdayao. Sila ang mga bida sa Kung Ako’y Iiwan Mo (dating Doha).

Sa kabila raw kasi ng mga pinagdadaanan nito sa kanyang personal na buhay ay hindi pa rin nito napapabayaan ang kanyang trabaho.

Say ni Jake sa isang interview, “She’s good, she’s very good. No problem working with her whatsoever. Actually galing nga, e. Despite everything that has been said everywhere she’s very professional. Ako hangang-hanga ako kay Shaina.
“I look up to her in so many ways. Parang ang lakas niyang tao.

Bilang isang babae. Hindi na siya bata, definitely an independent, strong woman, and I’m proud of her, sobra,” sabi ni Jake na ang tinutukoy nga ay ang kontrobersiyang kinasangkutan nila ni John Lloyd Cruz kamakailan with Ruffa Gutierrez.

And of course, tulad ng mga ginagawa ni Jake sa mga nagiging leading lady niya, todo rin ang pag-aalaga niya kay Shaina, pero aniya hindi siya masyadong nagtatanong tungkol sa personal na aspeto ng buhay ng aktres, “I giver her space, siyempre sensitive issue. As much as possible ginawa ko naman komportable para sa kanya ‘yung set namin.”

Wala rin daw kiyeme o arte si Shaina pagdating sa kanilang love scenes, “Medyo maselan, so may pagkaseksi na eksena but you know she’s so professional, as in hindi naramdaman at all na she’s going trough something.

Professional lang talaga bilang artista and I did ask her, ‘Shai, sigurado ka bang gusto mong gawin itong eksena kasi baka it might not be the right time.’ But no, sige lang and she did very well.”

Ito na ang ikatlong proyekto nina Jake at Shaina, una silang nagtambal sa teleseryeng Rubi with Angelica Panganiban at nagkasama rin sila sa horror movie na “Villa Estrella” ng Star Cinema.