TULAD nina Anne Curtis at Sam Milby, nagulat din si Gerald Anderson nang malaman niyang isa siya sa magiging leading man sa remake ng Dyesebel sa ABS-CBN under Dreamscape Entertainment.
As in talagang hindi raw makapaniwala si Gerald nang sabihin sa kanya na magiging part siya ng nasabing classic series na talaga namang minahal ng mga manonood.
Sey pa ng binata isang malaking achievement na para sa kanya ang maging bahagi ng Dyesebel dahil hindi naman daw lahat ng artistang tulad niya ay nabibigyan ng ganitong chance.
“Ako a few days ago ko lang nalaman na ako si Fredo, ‘yun pa lang ang alam ko. I’m very excited na kinakabahan, excited kasi first time kong makasama si Anne and si Sam. I am really excited na makasama sila,” ani Gerald.
Hindi rin daw makapaniwala si Gerald nang sabihin sa kanya na si Anne ang susunod niyang makakatambal sa napakalaking pryekto, “To work with one of the biggest artists of our generation, napakalaking bagay po ‘yun sa akin kumbaga ibang combination naman, ibang chemistry na naman ang mabibigay namin sa mga fans.”
Tinanong naman si Gerald kung paano niya ia-assess ang buhay at career niya nitong nagdaang 2013 at kung ano naman ang expectations niya ngayong bagong taon.
Aniya, ang 2013 ay puno ng “ups and downs” pero positibo pa rin ang kanyang pananaw ngayong 2014. “For me 2013 marami. Actually roller coaster ride, ang dami ring blessings at the time may OTJ, may teleserye pero personally marami pong ups and downs,” aniya.
Pahayag pa ng boyfriend ni Maja Salvador, “Pero excited ako sa 2014, I’m really excited for Dyesebel talaga, sobrang saya ko na part ako ng biggest splash of the summer na palabas.
Ito po ‘yung teleserye na this is going to be hard work talaga physically ito ‘yung pinakamahirap na soap na gagawin ko dahil may mermaid at merman.”
Magsisimula na ang Dyesebel very soon sa ABS-CBN’s Primetime Bida kung saan makakasama rin siba Ai Ai delas Alas, Dawn Zulueta at marami pang iba.
Samantala, tungkol naman sa relasyon nila ni Maja, mukhang hindi naman sila apektado ng mga negang isyu, maganda kasi ang aura ni Gerald nang humarap siya sa press kaya feeling namin, maligaya naman siya sa kandungan ni Maja.
Ibig sabihin hindi totoo ang mga chika na lagi silang nag-aaway dahil sa pambababae raw niya. In fairness, magba-back to back pa yata ang mga teleserye nila ngayong taon, dahil malapit na ring ipalabas ang The Legal Wife nina Maja at Angel Locsin.
( Photo credit to Google )