Charice: Sana matanggap na ni Mommy na mahal ko si Alyssa!

SA kabila ng mga kanegahan ng nanay ni Charice na si Raquel Pempengco nananatiling positibo ang international singer – nararamdaman pa rin niya na mahal na mahal siya ng kanyang ina.

Kamakailan ay nagsalita si Raquel kung bakit ayaw niya kay Alyssa Quijano na girlfriend ngayon ng kanyang anak, sinabi nito na alam niyang may iba itong motibo sa pakikipagrelasyon kay Charice – ibig sabihin ginagamit lang ni Alyssa ang kanyang anak para sumikat.

Pero sa huling panayam ng press kay Charice, naiintindihan daw niya ang kanyang nanay, at naniniwala siya na darating din ang araw na magkakaayos silang mag-ina at matatanggap na nito si Alyssa, “Kasi dati magkalaban kami ni Alyssa, kumbaga ang tingin na ni mommy sa amin, siyempre yung mommy ni Alyss, siyempre rivalry. Alam niyo yun.

“I think until now yun pa rin yung nasa isip ni Mommy. And siyempre hindi pa rin ma-sink in sa kanya yung fact that I love her.
“Siyempre when it comes to family, hindi lang naman yung pamilya ko pero lahat ng pamilya, meron naman talagang time na magdadaan sa time na meron akong desisyon na hindi magugustuhan ni mommy at meron din naman time na may desisyon siya na hindi ko rin magugustuhan but ang alam ko lang is ang ending nito ay magkakaintindihan kami dahil mahal ko siya, mahal niya ako and I know that,” litanya ni Charice.

Hirit pa nito, “Ang gusto ko lang sabihin kay mommy at kay Carl (utol niya) siyempre I miss you both and kahit na anong challenges yung pareho nating nakukuha right now…we’re family and we’re not alone.

I know may iba rin na may sitwasyon na ganito and that’s why I’m confident that someday everything’s going to be okay.”
At sa walang kamatayang isyu ng diumano’y pagtatangka niyang magpakamatay, ani Charice, “Ito masasabi ko ng una at huli po, mahal ko po ang buhay ko.”

( Photo credit to Google )