Magkakapera uli (2)

Sulat mula kay Elisa, ng Barangay Kalasuyan, Kidapawan City Problema:   1.     Naging overseas contract worker din kami ng mister, dangan nga lamang at nahawa siya ng sakit sa Saudi kaya’t pinauwi siya.  Pagkalipas ng ilang buwan sa bansa ay lumubha ang kanyang karamdaman.  Bagaman binayaran siya ng kanyang employer ay naubos din ito sa kapapagamot.  Hanggang sa nangailangan ang mister ko ng puspusang alaga kaya bagaman ayaw ko pang umuwi dahil maganda din naman ang suweldo ay napilitan na ako. 2. Hanggang sa naubos ang aming pera at nagsimula na akong mangutang kahit alam ko na hindi ko ito mababayaran.  Nagbalik-loob kami sa Diyos at gumaling ang aking asawa.  Ngayon ay naga-apply na naman kami sa abroad pero napakahirap magkaroon ng trabaho roon.  Makapaga-abroad ba muli kami?  Kailan kaya kami makababayad ng mga utang?  Ang birthday ng mister ko ay Jan. 13, 1978 at ako’y Feb. 10, 1979. Umaasa, Elisa, ng Barangay Kalasuyan, Kidapawan City Solusyon/Analysis: Astrology: Ang zodiac sign mong Aquarius (Illustration 2.) ang nagsasabing matapos ang malaking kamalasan dulot ng pagkakasakit ng iyong mister, isang dambuhala at malaki ding suwerte ang inyong matatanggap, ngayong  taon hanggang sa taong 2015. Numerology: Ang birth date mo ay nagsasabing ang taon 2014, sa ika-apat na buwan, dilit iba sa buwan ng Abril, isa sa inyo ni mister ang makapaga-abroad. Ito ang magiging simula upang muling umunlad ang inyong kabuhayan. Matapos ang apat pang buwan, isa naman ang makapaga-abroad. Luscher Color Test: Upang magtuloy-tuloy ang suwerte at magandang kapalaran, lagi kayong gumamit ng kulay na dilaw at berde. Ang nasabing mga kulay ang lalo pang magpapaganda at magpapalago ng inyong kabuhayan. HULING PAYO AT PAALALA Elisa, ayon sa iyong kapalaran, sigurado na ang magaganap, sa taon darating ganap ng mapapawi ang mga kamalasang sinapit ng inyong pamilya. Ang mahalaga, ipagpatuloy ninyo ni mister ang muling paga-apply sa abroad, dahil sa susunod na taon hanggang 2015, tiyak na ang magaganap – may ikalawang pangingibang bansang itatala sa inyong kapalaran na siya na ring magiging simula upang tuloy-tuloy na kayong umunlad, makaahon sa mga pagkakautang, hanggang sa yumaman, at sa aspetong pang materyal ay ganap ng sumagana.