Leni Robredo nagsising hindi inaksyunan online trolling
NAKARAMDAM ng pagsisisi ang dating bise presidente at kasalukuyang Naga City mayor na si Leni Robredo dahil sa hindi niya pagsagot sa mga kumakalat na fake news at online trolling noon.
Sa kanyang ikalawang parte ng kanyang panayam sa “Beyond the Game” ng Bilyonaryo News Channel nitong Miyerkules, February 11, inilahad niyang ang hindi niya agad pag-agap sa online trolling ang isa sa kanyang pinagsisisihan.
“Ako, none, e. Siguro if there ever was and I’m not really sure if that can be branded as a regret, was how we responded to the trolling,” saad ni Mayor Leni.
Dagdag pa niya, “Because when the trolling was started, it was new—noong 2016, the trolling was very new. Para it only started during the elections.”
Baka Bet Mo: Leni Robredo trending, binalikan sagot sa 2022 presidential debate
Bandera IG
Sabi pa ni Mayor Leni, hindi nila agad pinansin ang mga fake news at online trolling dahil akala niya ay hindi kakagat ang mga tao rito.
“So kami, ano kami, high level. Parang sabi namin don’t mind them. Because false narratives would not be sustainable, in the end, people would not believe them.
“Pero how wrong we were because we did not do anything about it,” sey pa ni Mayor Leni.
Ngunit madami ang kumagat sa naturang fake news at huli na nang magsimula silang umaksyon sa isyu.
Lahad ni Mayor Leni, “Parang a lot of people, bought into the false narratives that were being peddled. And when we started responding to them, parang it was so late already. Naalala ko, I started being a Vice President, 2026. We only started responding to the fake news [on] 2019.
“Kasi naisip ko, bakit ko pag-aaksayaan ng oras, hindi naman totoo.”
Hindi rin naman daw niya masisisi ang publiko sa magiging paniwala nito sa mga ganoong balita.
“That was our line of thinking pero looking back, especially when we were trying to make sense in the election already in 2022, we were consulting with some people who are experts in the field. Parang ‘yon ‘yong sinasabi nila na kapag may kasinungalingan [at] hindi mo kaagad kinorrect, parang papasok na siya kaagad sa ecosystem and hindi na rinig ang voice mo.
“So talagang ang tao, hindi mo mabe-blame pero paniniwalaan ‘yun,” pagtatapos pa ni Mayor Leni.
qqqqq
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.