Pagpapaopera sa tiyan ni PBBM fake news – Malakanyang
“WALA pong ganoong balita na maibibigay po tayo…iyan po ay fake news.”
Ito ang iginiit ni Palace Press Officer Claire Castro nang tanungin ukol sa kumalat na balita na sasailalim sa operasyon si Pangulong Bongbong Marcos dahil sa Diverticulitis.
Ayon kay Castro, maayos ang kondisyon at balik-trabaho na ang Punong Ehekutibo, kung kay’t walang basehan ang kumakalat na social media posts hinggil sa operasyon kay Pangulong Marcos.
Baka Bet Mo: PBBM sa mga gustong mapatalsik siya: ‘Don’t get too excited yet!’
Bumuti na, aniya, ang kondisyon ng presidente mula nang magpalipas ito ng magdamag sa St. Luke’s Hospital and Medical Center noong Miyerkules, January 21.
“Sa ngayon po ay masasabi nating maganda po ang kalagayan ng ating pangulo dahil siya po ay kasalukuyang nasa meeting,” dagdag pa nito.
Ngunit walang ideya si Castr okung kailan muling dadalo sa mga aktibidad sa labas ng Malakanyang ang Punong Ehekutibo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.