Mabubuntis sa 2014 (2)

Sulat mula kay D.R.,  ng Bago Aplaya,  Talomo, Davao City Problema: 1.      Magpipitong taon na kaming magkasama ng asawa ko pero wala pa rin kaming anak.  Sumangguni na kami sa albularyo at doktor at sinunod naman namin ang kanilang iniutos.  Wa epek pa rin.  Nawawalan na kami ng pag-asa kaya balak naming mag-ampon na lang kami. 2. Hihintayin namin ang inyong payo bago namin tuluyang ampunin ang anak ng malapit na kamag-anak.  Tapatin ninyo kami: magkakaanak ba kami?  Meron bang suwerteng birthday kung mag-aampon kami ng bata?  Nakatanaw na kami sa aming pagtanda at kailangan ay may bata. Umaasa, D.R., ng Bago Aplaya, Talomo, Davao City Solusyon/Analysis: Astrology: Ang zodiac sign mong Libra (Illustration 2.) ay nagsasabing sa  buwan ng Enero at Pebrero ay maaari kang mabuntis kaya samantalahin na ang pagtatalik. Numerology: Ang birth date mo namang 3 ay nagsasabi na ang unang magiging baby mo ay isang malusog na babaeng sanggol.  At dahil 3 ang birth date mo, favorable kayong magtalik ng iyong mister tuwing sasapit ang petsang 3, 12, 21, 30, 6, 15, 24, 9, 18 at 27, higit lalo sa panahong nasa new moon, first quarter at full moon ang buwan sa langit. Sa ganyang diskarte, tulad ng nasabi na ay magkakaroon kayo ng pag-asang magka-baby sa 2014. Luscher Color Test: Upang matiyak na magkakabuo kayo ng isang matalino at malusog na babaeng sanggol, lagi kayong magpatong ng sariwang kulay pulang rosas sa ibabaw ng inyong lamesang kainan. Sa ganyang paraan, mapapaloob sa unconscious nyong isipan ang makabuo ng isang cute at magandang baby.

D.R., ayon sa iyong kapalaran, tiyak ang magaganap sa taon 2014, samantalahin ninyo ang pagtatalik at sundin ang mga nasabing gabay sa itaas. Sa ganyang paraan, tulad ng nabanggit na, sa susunod na taon ay isisilang ang isang malusog at cute na sanggol na maghahatid ng bagong tuwa at kukumpleto sa pagmamahalan ninyong mag-asawa.