Esny, River Joseph at Brent Manalo
INGGIT much ang sangkabadingan sa content creator at influencer na si Esnyr na isa sa mga nang-aagaw ng eksena sa “PBB Celebrity Collab Edition” ng ABS-CBN at GMA 7.
Aliw na aliw ang mga manonood at netizens sa proud member ng LGBTQIA+ community dahil sa pampa-good vibes at nakakatawang mga ganap niya sa loob ng Bahay ni Kuya.
Sa ilang araw na pag-ere pa lang ng iconic reality show sa Pilipinas ay napakarami nang nangyari sa Big Brother house, kabilang na ang pagpasok at paglabas ng mga guest housemates na sina Ivana Alawi at Mavy Legaspi.
Bukod sa dumaraming televiewers na tumututok sa show gabi-gabi ay palagi rin itong nagte-trending sa X dahil sa suporta at pag-iingay ng respective supporters ng bawat celebrity housemate.
Nitong nagdaang Martes, March 18, trending si Esnyr dahil sa pagrampa niya sa loob ng Bahay ni Kuya ng mga karakter na pinasikat niya sa kanyang mga vlog sa YouTube.
Lagi rin siyang hot topic ng mga beki sa social media dahil sa closeness at sweet moments nila ni Brent Manalo. Kilig-kiligan talaga ang mga netizens sa mga “intimate scenes” nila together.
At in fairness, “Mahal” pa ang tawag ni Brent kay Esnyr kaya marami ang nagdududa na mukhang may “something” talaga sa dalawang housemates ni Kuya.
Inggit na inggit din kay Esnyr ang mga fans dahil nakakaharutan din niya ang iba pang gwapong housemates kabilang na ang bagong crush ng bayan sa “PBB” na si River Joseph.
Yakapan nang yakapan ang dalawa sa loob na parang sila lang ang nasa bahay. Kaya comment ng ilang netizens, kahit daw hindi maging Big Winner si Esnyr ay waging-wagi na siya sa mga male housemates.
Samantala, tumanggi naman si Dustin Yu na sumabak sila ni AZ Martinez sa “chemistry test” dahil kaibigan daw niya ang boyfriend ni AZ na si Larkin Castor.
Ito’y bilang respeto na rin ni Dustin sa “bro code” nila ni Larkin. Kasunod nito, nag-post si Larkin sa kanyang X account at nagpasalamat kay Dustin.
“Love you bro, biggest respects to you. Appreciate you (praying emoji),” sey ng aktor.