KASALUKUYANG nawawala ang FA-50 fighter jet ng Philippine Air Force (PAF) habang isinasagawa nito ang tactical nights operation nitong Martes, Marso 4.
Sa isinagawang press conference, inilahad ni PAF spokesperson Col. Ma. Consuelo Castillo na nawalan ng komunikasyon ang aircraft ngayong Martes ng madaling araw bago pa man ito marating ang target area.
Baka Bet Mo: Charo Santos-Concio proud ‘reservist’ ng PH Air Force: It’s never too late!
“The aircraft lost communication with the rest of the flight involved in the mission minutes before reaching the target area,” saad ni Castillo.
Pagpapatuloy niya, “The other aircraft repeatedly attempted to establish contact with the missing aircraft until their return to Mactan, Cebu.”
Sa ngayon ay nagsasagawa pa ang PAF ng operasyon upang matunton at mahanap ang nawawalang jet fighter aircraft.
“Our primary concern right now is the safe return of our aircrew. We are hopeful of locating them in the aircraft soon and ask you to join us in prayer during this critical time,” lahad ni Castillo.
Sa ngayon ay wala pang panibagong update hinggil sa estado ng nawawalang fighter jet ng Philippine Air Force.
