Kathryn Bernardo, Min Bernardo at Daniel Padilla
MAY kumakalat ngayong chika na nagkaayos at nagkabalikan na raw ang former couple na sina Kathryn Bernardo at Daniel Padilla.
Mahigit isang taon nang hiwalay ang dalawang Kapamilya stars mula nang kumpirmahin nila ang pagtatapos ng kanilang halos 12 years na relasyon noong November, 2023.
Nakagawa na na ng mga solo projects si Kathryn after ng breakup nila ni DJ, kabilang na ang reunion movie nila ng Asia’s Multimedia Star na si Alden Richards, ang “Hello, Love, Again” na sequel ng “Hello, Love, Goodbye.”
Maraming nagtatanong sa amin kung totoo nga bang nagbalikan na sina DJ at Kath pero ang isinasagot namin sa kanila ay hintayin na lang kung may magaganap na announcement sa dating magdyowa.
Mas lalo pang na-curious ang mga loyal KathNiel fans sa umano’y pagbabalikan ng mag-ex nang mag-post ang social media personality at tinaguriang Pambansang Lalaking Marites na si Xian Gaza about this.
Baka Bet Mo: Kathryn sa b-day ni Mommy Min: ‘You’re a big part of who I am today’
“BREAKING NEWS: Kathryn Bernardo & Daniel Padilla, nagkaayos na! Kompirmd 99.9%! Yung 0.01% ay yung germs na hindi napatay ng Safeguard!” ang nakasaad sa Facebook post ni Xian.
Dagdag pa niya, “Atin-atin na lang muna at huwag na lang sana makakalabas hangga’t kinukumpirma pa natin kung sila ba ay magjowa na ulit. Salamat. Please respect their privacy.”
Maraming naniwala sa chika ni Xian pero meron ding kumuwestiyon sa kanyang FB post. Hindi raw sila naniniwalang nagbalikan ang KathNiel.
Kasunod nito, nagsalita naman ang nanay ni Kathryn na si Min Bernardo tungkol sa mga fake news na kumakalat ngayon sa social media.
Walang binanggit si Mommy Min
kung anong fake news ang tinutukoy niya, pero ikinonek nga ito ng mga netizens sa pasabog ni Xian Gaza.
Sey ni Mommy Min, huwag daw basta maniniwala sa mga pekeng balita ang mga fans na patuloy na umaasa sa pagbabalikan nina Kathryn at Daniel.
“Huwag kayong masyadong naniniwala sa mga fake news. Basta, tanungin n’yo na lang si Tita Long,” ang sey ni Mommy Min sa video ni Long Gumatay.