IBINANDERA ng “GomBurZa” actor na si Cedrick Juan ang kanilang engagement ng girlfriend na si Kate Alejandrino.
Sa kanyang latest Instagram post nitong Miyerkules, February 19, ibinahagi nito ang mga larawan nila ng kasintahan habang ibinabandera ang singsing na suot ni Kate.
“Pangarap na nagsimula sa pagpapanumbalik ng iyong tunay na ngiti na naguugat sa kaluluwa, isip, puso at mga mata. Ito ang layunin ko simula noong unang araw na tayo’y nagsimula,” saad ni Cedrick sa caption.
Pagpapatuloy niya, “Tara mangarap tayo bawat sandali simula sa araw na ito. Mahal, Mahal na mahal kita at pipiliin ka araw-araw Kaitin.”
Baka Bet Mo: Cedrick Juan ibinandera relasyon kay Kate Alejandrino: Mahal na mahal kita
Para sa mga hindi aware, tulad ni Cedrick, umaarte rin si Kate at isa itong aktres.
Umani naman ng mga congratulatory messages mula sa madlang pipol ang naturang post ng aktor.
“Congratulations to you both!” pagbati ni Atty. Kiko Pangilinan kina Cedrick at Kate.
Sey naman ng isa, “Taxi cab theory is real.”
“Ang saya ko para sainyo. Congratulations Kate and Cedrick!” sabi naman ni Hershey Neri.
Comment ni KaladKaren, “Congratulations!”
Matatandaang si Cedrick ang itinanghal na Metro Manila Film Festival (MMFF) Best Actor noong 2023 sa kanyang natatanging pagganap bilang Padre Burgos sa “GomBurZa” ni Pepe Diokno.
Si Kte naman ay nakasama na sa maraming teleserye at pelikula gaya ng “Ang Pangarap Kong Holdap,” “Respeto”, “Bula Sa Langit”, at marami pang iba.