RELAXING pero romantic na lugar ba ang hanap niyo for Valentine’s Day?
Perfect ang La Mesa Eco Park sa Quezon City kung gusto niyo ng budget-friendly, pero maraming masasayang activities na pwedeng gawin.
Baka Bet Mo: V-Day 2025: Intramuros very romantic, nostalgic, picture perfect date spot
“Alam naman natin na since nasa city tayo, we usually go to the malls or sometimes bahay-work, bahay-work. So parang it’s a really good opportunity for us to go out, enjoy the day and be with nature every now and then, especially sa Araw ng mga Puso na kasama natin ang special loved ones natin,” mensahe ni Jeffrey Castañeros, ang Advocacy Lead ng La Mesa Eco Park, na na-interview ng BANDERA.
Bukod kasi sa mala-nature na tanawin, pwede ka ring sumbak sa wall climbing, rappelling, target shooting, at biking.
Isipin mo na lang –malayo sa traffic ng lungsod, tahimik na paligid, at sariwang hangin.
Oh ‘di ba, perfect combo para sa relaxing date na puno ng kwentuhan at kulitan!
