Number coding scheme suspendido sa Chinese New Year
SUSPENDIDO muna ang number coding scheme kaugnay ng selebrasyon ng Chinese New Year ngayong Miyerkules, January 29.
Inanunsyo ng Metropolitan Manila Development Authority (MMDA) sa kanilang official Facebook page ang naturang suspension.
“Kung Hei Fat Choi! Suspendido ang pagpapatupad ng expanded number coding scheme sa Miyerkules, Enero 29, bilang pagdiriwang ng Chinese New Year,” saad ng MMDA.
Baka Bet Mo: Road closure sa Maynila ngayong Chinese New Year
View this post on Instagram
Nabanggit rin ng ahensya ang madalas mabigat na daloy ng trapiko sa Binondo, Manila kung nasaan matatagpuaan ang pinakamatandang Chinatown dahil sa naturang selebrasyon.
“Kadalasang mabigat ang daloy ng trapiko sa mga lugar ng Binondo sa Maynila kung saan isinasagawa ng mga Tsinoy ang kanilang tradisyon,” dagdag pa ng MMDA.
Pinaalalahaban rin ng MMDA na mag-ingat sa biyahe lalo na’t maaring maraming sasakyan ang nasa kalsada gawa ng suspensyon ng number coding scheme.
“Saan man ang destinasyon, laging tandaan: planuhin ang biyahe, sumunod sa batas trapiko at mag-ingat sa pagmamaneho,” sey ng ahensya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.