Andrea Brillantes (Photos from @xnmelsz TikTok)
NALOKA ang Kapamilya actress na si Andrea Brillantes sa iniabot sa kanya ng isang lalaking fan habang nakasakay siya sa isang float.
Kitang-kita ang naging reaksyon ng dalaga nang malaman kung ano ang bagay na ibinigay sa kanya ng nasabing guy.
Kalat na sa social media ang isang TikTok video kung saan makikita ang pagka-shock ng young actress nang abutan siya ng “suki card” ng isang lalaki habang nakasakay sa isang umaandar na float.
“The one who gave you the sogo card HAHAHA,” ang nakalagay sa caption ng nagbahagi ng naturang TikTok video.
Baka Bet Mo: Sylvia Sanchez natupad ang pangarap na manalong Best Float sa MMFF 2024
Masaya namang tinanggap ni Andrea ang naturang suki card pero nang makita na para sa isang motel ay biglang nagulat ang dalaga at natatawang itinapon ito pabalik sa guy na nagbigay.
Super laugh naman ang mga nakapanood sa nakakalokang video ni Andrea.
“Hahahaha natawa rin sya eh!”
“Chill siya tawa lang hahaha.”
“Hahahahaha loko to sogocard!”
“Napa search tuloy Ako Ng sogocard.”
“Hahaha yung reaction nong nag abot.”
“Cute ng reaction ni Andrea. Hahahaha! Sure kaming hindi pa siya nakakapasok dun!”
Kamakailan lamang, bago matapos ang 2024 ay pinatunayan ni Andrea na pinagpala siya ng kagandahan dahil siya ang nanguna sa listahan ng “100 Most Beautiful Face of 2024”.
Ito’y ibinandera ng critic website at UK-based na TC Candler. Natalbugan niya si Nancy McDonnie ng K-Pop girl group na Momoland na nag number one last year, pero nasa Top 10 na ngayon.
Ito na ang ikalawang beses na nakasali si Andrea sa nasabing listahan na kung saan noong nakaraang taon ay pang 16th place siya at tanging Pinay na napabilang sa Top 20.
For this year, ang pumapangalawa sa “Most Beautiful Faces” ay ang Blackpink member na si Jisoo at ang number three naman ay ang chess player na si Andrea Botez.
Maliban sa Kapamilya actress, anim na Pinay celebrities ang nakapasok din sa 2024 list ng TC Candler!
Kasama riyan sin Janine Gutierrez na nasa Top 28, Liza Soberano na napunta sa ika-31 na pwesto, Belle Mariano na pang-52, Ivana Alawi na naging 69th place, Gehlee Dangca ng K-Pop girl group na UNIS na nasa number 82, at si Aiah Arceta ng BINi na nasa 88th rank.
Matatandaang si Liza ang may longest streak sa nasabing listahan kung saan isang dekada na siyang nasasali.
Last year ay pang-number 28 siya, nasa ika-23rd place naman siya noong 2022, top 18 noong 2021, at naging number one rin noong 2017.
Para naman kay Ivana, ito ang ika-limang beses na nakasali siya kung saan last year ay napunta siya sa 21st place, naging Top 6 siya noong 2022, pang-apat noong 2021, at pang-11 naman noong 2020.