PHOTO: Courtesy of Netflix
BUKOD sa inaabangang Pinoy series na “Incognito,” isa pang full-packed action genre ang mapapanood ngayong January 17 sa Netflix!
Ito ang action comedy film na “Back in Action” na pinagbibidahan ng Hollywood stars na sina Cameron Diaz at Jamie Foxx.
Recently, inilabas na ang official trailer ng pelikula at mapapanood na bilang mag-asawa ang dalawang international stars bilang sina “Matt” at “Emily.”
Iikot ang istorya sa couple na tinalikuran ang pagiging CIA spies dahil sa kagustuhan nilang bumuo ng sariling pamilya.
Baka Bet Mo: ‘Charlie’s Angels’ star Cameron Diaz may baby boy na: ‘He’s really cute!’
Ngunit makalipas ang ilang taon ay napilitan silang bumalik sa dating trabaho bilang secret agents matapos mabuking ang kanilang undercover.
“When your enemies find out that you’re alive, they’re gonna come after you and your kids,” saad ng karakter ni Kyle Chandler kina Matt at Emily na may dalawang anak sa action movie.
Ten years ago na na ang nakalipas nang huling magsama sina Cameron at Jamie sa isang proyekto, pero aminado ang magkaibigan na excited na sila sa latest movie.
“A lot of people don’t know this, but after Cameron and I did ‘Any Given Sunday’ and ‘Annie’ together, we became friends in real life — and I’ve been begging her to come play with me again. We all know there’s just something about her,” sey ng batikang aktor sa naunang press release ng Netflix.
Kwento naman ni Cameron, “We had so much fun making this — and I think you will have just as much fun watching it.”
Ang “Back in Action” ay mula sa direksyon ng filmmaker na si Seth Gordon.
Bukod sa dalawa, tampok rin sa pelikula sina Kyle Chandler, Glenn Close, Andrew Scott, Jamie Demetriou, McKenna Roberts, Rylan Jackson, at marami pang iba.